OKAY LANG !!!! INYO NA NINAKAW NINYO !!! PRAMIS !!!

Hindi nga!!! Walang joke!!!

Kasi walaaaa kayong lahat ka-class-class!!!

Pare, pinuno kayo ng bansa, hero ng mga bata, panaginip maging ng mga binata!!!

Tapos ano trip ninyo???

Magnanakaw na kayo, sinungaling na kayo, mang-gagago pa kayo!!!

Sige na!!! Nakakainis si Jinggoy Estrada kanina!!! Palkups talaga siya!!!

Oo na, naniwala na tayong lahat na sila yung kontrabida, eh totoo naman di ba???

Wala akong kuwestiyon dun mga parekoy!!! Sama-sama tayo diyan sa trip na yan!!!

Pero mga boss, tsip, amo, ser, nung mabasa ko yung pinupuri ng ilang dyaryo, nadinig ko na kinakampihan ng ilang radyo at napanood ko na pogi sa ilang TV station yung ilang senador, congressmen at opisyal ng gobyerno, parang gusto ko silang lahat itapon sa impiyerno!!!

O sige, may ilang malinis sa pork barrel issue!!! May ilang gumamit ng tama at hindi nagbulsa!!! Siguro!!! Pero malamang mga 2 sa bawat 500 matataas na opisyal ng bansa yun, puwera biro.

Nakakapikon pa sa Teleserye ngayon hapon, palkups na yung dumadakdak, palkups pa rin yung mga kinakausap niya!!!

Dehin na tayo magbolahan!!! Lahat sila may tinatagong katarantaduhan!!! Lahat sila kampon ng salapi!!! Lahat sila dups at kups!!!

Tapos ang gusto nilang lahat “dapat daanin sa ligal na paraan lahat yan”, “magbigay ka ng ebidensiya, wag puro dakdak”, “innocent until proven guilty!!!”

Mga hunghang ba kayo diyan sa mataas na palasyo???

Nadidinig niyo ba ang sinasabi ninyo???

Nakikita ba ninyo ang nakikita namin???

Halos lahat sa inyo sa senado galing sa pamilya ng mga politiko, maliban siguro kay Grace Poe!!! Pero rich girl din yun!!!

Halos kalahati ng nasa Kongreso dating mahirap lang, ngayon malalaki na ang bahay sa La Vista at Dasma.

Pati yung mga padala ng party list, rep daw ng tricycle driver, magsasaka, sikyu, drayber at iba pa, lahat mabango, hindi amoy drayber at magsasaka!!!

Tigilan niyo nga kami!!!

Bumaba nga kayo sa lupa at amuyin ninyo yung naaamoy namin!

Kasi, dito kahit amoy lupa kami, happy kami (hindi slogan yan) sa pinaghirapan namin!!!

Hindi namin kailangan ng apat na kotse para bantayan ang kotse namin sa trapik!!! O isang dosenang badigolyo para hawiin kaming mga hampas lupa pag dadaan kayo!!!

Kahit ganito kami, may dignidad kami sa pinaghihirapan naming pagpapakain at pagpapaaral sa mga anak namin!!!

Hindi galing sa nakaw ang kinakain namin!!!

Kayo diyan, magnanakaw na nga yung kasama ninyo at alam ninyo yun, pa-pichur-pichur pa kayo sa Instagram at Facebook!!!

Pag nahuli yung magnanakaw, deny to death kayo na kilala niyo sila!!!

Eh hunghang nga kayo eh diba??? Nasa Facebook nga yung pichur na sweet and loving kayo di ba??? Na sobrang close kayo diba??? Na BFF kayo diba???

Tapos ang tigas ng mukha ninyong sabihin sa amin na casual meeting sa social circles lang yun???

Isosoli ko sa inyo ang tanong ninyo!!! SAAN KAYO KUMUKUHA NG KAPAL NG MUKHA?????

Hayup!!! Binira niyo pa kami ng sarsuela kanina!!!

Tapos bukas yung mga diyaryo, TV at radyo na pagaari ng mga kamag-anak, kaibigan, kabarkada at kung ano pang karelasyon ninyo, palalabasin na pogi kayo at yung kalaban pangit!!!

SA KAPAL NG MUKHA NINYO, LAHAT KAYO PANGIT!!!

Puwede ba, tutal mayaman na kayo, mag-migrate na kayo sa ibang bansa!!!

Dun sa walang may kilala sa inyo!!! Dun sa hindi kayo sisisihin at pagbibintangan at pagdududahan na nagnakaw ng kaban at yaman ng bayan!!!

Pramis hindi namin kayo hahabulin o hihingi ng extradition!!! Puwera joke, may basbas namin kayong magsilayas na kayo!!!

Sa inyo na yung bilyones at trilyones na ninakaw ninyo!!!

Ipagdarasal pa namin kayo na sana sumagana ang buhay ninyo sa bagong pupuntahan ninyo dala ang yaman na hindi sa inyo!!!

Pramis yan!!!

Posted in Uncategorized | Leave a comment

Sounds Family ???

Kita niyo nga naman ano?

20130924-041715.jpg
Aba eh napanood na pala natin lahat ng balitang ito eh.

Replay? Rerun? Rehash?

Sabi nga ni Panchito “kumita na yan eh!!!”

Ang date nung front page ng Philippine Daily Inquirer ay ‘Tuesday, August 13, 1996.”

Ang title ng balita?

Ayan oh, share-share ng mga taga-gobyerno sa Lechon na Porky Pig!!!

Yung umbrella headline (yun yung nasa ibabaw ng dyaryo) MNLF din!!!

Tapos sa gilid gas price increase!!!

Parang nabasa ko yan last week, hindi 17-years ago, no?

Hulaan ninyo kung ano ang relasyon ng President at Vice President noon?

Sirit?

Si FVR at mga tao niya inuupakan si ERAP dahil malamang maging susunod na presidente.

Si De Villa at De Venecia ang laging bida sa mga gulo at atrocities pero olats pa rin sila kay Erap.

Sounds family ba?

Ang masakit pa nito, kahit saang parte ng Inquirer ngayon, di mo makita sa analysis nila ang front page nila 17 years ago.

Pero pareho ang mga players, mula Senado, Kongreso, at iba pang sungay este sangay ng gobyerno!!!

Sino ba yung nagsabi na “if we do not learn from our past, then we are doomed to make them again and again?”

O yan, parang TV show lang, replay lang.

Yun lang, laging may patay at gutom at sila lang ang palaging yumayaman!!!

Sounds Family diba?

Posted in Uncategorized | Leave a comment

Pag College At Worker Waterproof ???

Kahit ano sabihin ninyo kay Erap Estrada, hindi ninyo siya mauunahan pagdating sa preventive measures.

Noong araw pa, pag may padating na kalamidad, asahan mo idedeklara na niya na wala ng pasok lahat.

Sabi nung mga kritiko niya, eh baka hindi naman grabe sayang yung araw.

Di ba! Mas magaling lagi politiko natin sa lahat ng bagay, maski expert na ang nagsasabi!!!

Tignan niyo yung Pinatubo!

Sabi ng yumaong Rey Punongbayan likas na at puputok yung bulkan, ano ginawa ng mga politiko, inisnab yung warning!!!

Ayun sobrang dami napinsala at dedbol!!!!

Ngayon, eto na naman tayo! Last week pa sinabi ng Pagasa na bubuhos ang ulan, ayun, walang pumansin!!!

Ang nakakainis, gigising ng late yung mga Meyor, (Meyor dreams come true talaga), tapos tsaka lang hihirit ng “no classes” dun sa elementary at high school.

Ayus na sana, pero 6:00-8:00 ng umaga ang announcement, nasa school na yung mga bata!!!

At ang laking asar, yung nag-aral sa kolehiyo, tanghali na ang announcement!!!

Akala yata nila isda yung mga binatilyo at dalagita na kaya lumangoy papuntang school.

Mas nakakainis, merong 1.1 trillion peso ng porky pig na winawaldas sa water well, basketball court at waiting shed instead na ayusin yung flood and road infrastructure.

Alam niyo ba kung ilan daang kilometro ng drainage pipes, kalye at maayos na schools ang magagawa ng 1.1 trillion pesos?

Alam niyo ba na puwede na tayo gumawa ng waterproof subway at railway para sa manggagawa at empleyado para maka pasok sa trabaho ng hindi basa ng ulan sa 1.1 trillion pork barrel ninyo?

Pero dehin eh, waldas na kayo sa pera namin, tamad at panay tulog pa kayo!

Ano akala ninyo sa amin at mga anak namin sirena at siyokoy???

Posted in Uncategorized | Leave a comment

Bayan, Bakit Tayo Ganito ???

Batang kumakain ng tira-tira sa basura.
Pamilyang natutulog sa kariton at tabla.
Obrerong dose oras kumayod para sa barya.
Manggagawang nabuwisan na lahat ng bagay sa kanya.

Bakit ganito?
Bakit ito ang totoo?
Alam natin lahat ito!
Pero bakit sumusuko tayo?

Alkaldeng sobrang dami ng kotse.
Congressman na nakatira sa condo sa Makati.
Senador na bilyon ang ipon sa bangko.
Kalihim na sobrang dami ng tagong sikreto.

Bakit ganito?
Bakit ito ang totoo?
Alam natin lahat ito!
Pero bakit sumusuko tayo?

May solusyon Bayan Ko.
Paraan para maging atin ulit ang yamang ito.
Pero kailangan huwag muna suwapang.
Kapit bisig muna at masidhing tulungan.

Dahil hindi ito dapat ganito!
Hindi ito ang tunay na totoo!
Pag-aralan at planuhin ang ating wisyo!
Huwag susuko, lumaban at baguhin ang ating mundo.

Yan ang dasal ko para sa Bayan ko!
Itigil ang paghahari ng Baboy Damo!
Supilin ang lagim ng Haring Baboy Damo!

(30)

Posted in Uncategorized | Leave a comment

Buti Pa Mahirap, Generous!!!

Hanep din naman ang mga sundalo natin ano???

Aba isipin ninyo, hindi na sila masuwelduhan ng maayos, hindi na sila mabigyan ng tamang uniporme, hindi na sila mapakain ng mahusay, sila pa rin yung may keber na ibigay ang isang araw na allowance nila sa mga evacuees sa Zamboanga!!!

Eh kung hindi ka ba naman maiyak sa sakripisyo ng mga ito ewan ko na lang.

At hindi sana lalabas yung kuwento kung hindi nahalungkat ng mga reporter sa Zambo yung ginawa nila!!!

Walang epal-epal, walang presscon, walang statement, walang press release, basta nung natanong yung kumander ng 4th ID, sabi niya ibibigay daw ng mga sundalo niya yung tig-90 pesos na allowance nila para sa isang araw sa mga evacuees sa Zamboanga.

Aabot yun mga ‘dre sa humigit-kumulang Php430,000.

Tama talaga siguro yung pag-aaral na mas mapagbigay ang karamihan sa mga mahihirap kaysa karamihan sa mga mayayaman. At mas madaling maging corrupt ang mayaman na kaysa mahirap pa lang.

Base sa study ng Manchester University na inilabas noong 2011, ang mga lower income na tao, mahihirap yun sa kanila, ay may 30% na posibilidad na may bigay ng higit sa charity kaysa sa extremely high income na tao, mga mayayaman yun dun.

Sa katunayan daw, yung mga mayayaman na, mas madali daw gumawa ng kalokohan tungkol sa yaman at pera dahil sa isip nila ay karapatan na nila yun. Ang mga mahihirap naman daw ay mas conscious sa mga ganitong bagay at mas mahusay magbayad ng utang.

Kaya pala malakas kumita yung Bumbay sa motor na nagbibigay ng 5-6, kasi kahit pa-lima-limang piso, regular magbayad yung mga tropa natin sa Payatas at Tondo.

Yung mga mayayaman daw, mas malaki ang posibilidad na takbuhan ang utang dahil ayaw nilang bitawan ang pera nila. Katunayan daw nito ang napakalaking nalulugi sa mga credit card company dahil tinatakbuhan sila ng mga kliyente nila.

(Eh kasi naman kupal din yung interest ng credit card dito sa Pinas eh, pero next time na natin pagusapan yun)

So sa atin ang tawag dun sa ugali ng mga mayayaman ay “feeling entitled” o modern royalty.

At hindi lang ito sa old rich ha. Mas talamak yung noveou rich (tama ba spelling nun) sa ganyang ugali daw. Kasi yung psychological make-up daw nila ay nagbago na.

So, ibig ba sabihin ng Manchester University lahat ng mananalong pulitiko natin laging magiging magnanakaw? Kahit galing sila sa mahirap, pag yaman nila kurakot na din sila?

Eh kung ang basehan eh 98% ng nanalong pulitiko natin simula ng mabuo ang mundo, malamang totoo!!!

Posted in Political Spits, Privilege Spits, Rambling Spits | Leave a comment

PR-PR Lang Yan!!!

Eto whisper with wings ng isang friend ko sa political PR scene!

Next week sisimulan ng isang PR team ang info campaign para palabasin na libo-libo ang magugutom, magkakasakit at hindi makakabalik sa school ngayong second semester dahil walang Porky Pig yung mga bulog sa Batasan.

Yung PR Team ay kilala na sa nakakahilong spin at madalas gumamit ng survey firm na kamaganak ng mga politiko ang may-ari para palabasin na totoo yung style nila.

Walong bulog sa Batasan ang kliyente nito at ang halaga ng kontrata ay 150 million pesos. Bayad na yung kalahati!

Hitch a ride na din yung Palasyo daw at sinubukan kunin yung dating PR man na parang Nazi yung name na gumawa ng libro ng joke-joke-joke para sa dati niyang kliyente.

Refuse to the max yung si Nazi sounding name at nagbago na daw siya ng style.

This week naglabas na ng survey yung isang grupo tungkol sa kay Noynoy, pero rehash yun ng survey bago eleksiyon.

Tapos may special budget pa sa mga ilang media para yung tirada pabor sa pag-retain ng darak ng piggy.

Sabi ng friend ko nga PR-PR lang ang dadale dyan sa porky pig lusot ulit sila.

Let’s wait and see!!! Ano mga Kabayan ko?

Posted in Uncategorized | Leave a comment

Eh Kasi Bata !!!

Oo na mga brad! Galit tayong lahat sa pagnanakaw na ginagawa ng mga hayup na politiko natin.

Pero mga brad wag na natin turuan yung mga bata ng ganito!

Dehin na natin sila idamay! Biktima na sila gagamitin pa natin silang sideshow!!!

Obvious naman na itinuro at sinanay siya para sa performance na ito eh! Dapat iiwas na natin sila hanggang kaya, palakihin na may hope at future.

Eh kaso, sa ganitong style, ang bagsak niyang 10-taon gulang na yan “child warrior!!!”

Tapos magugulat tayo kung bakit nila pinili humawak ng armas sa murang gulang.

Eh yan yung itinuturo natin!

Yang nagturo sa batang yan, walang pinagkaiba kay Willie Revillame nung sinuhulan niya yung batang umiiyak para sumayaw sa programa niya.

THERE ARE BOUNDS TO DECENCY MY FRIENDS!!!!

And to respect our children to experience being children is one of them.

I feel only pity for the manner this child is used and anger at those who chose to use her like so.

It is not amusing!

We are better than this!!!!

Watch it and weep!!!

http://m.youtube.com/watch?feature=share&v=pnzMqfmet1w&desktop_uri=%2Fwatch%3Fv%3DpnzMqfmet1w%26feature%3Dshare

Posted in Uncategorized | Leave a comment